Лінкі ўнівэрсальнага доступу

СМІ: расейскіх журналістаў у ЦАР перад забойствам выкралі і дапыталі


«Цэнтар кіраваньня расьсьледаваньнямі» — журналісцкі праект Міхаіла Хадаркоўскага пачаў уласнае расьсьледаваньне гібелі расейскіх журналістаў у Цэнтральнаафрыканскай Рэспубліцы. Аб гэтым паведамляецца на старонцы праекту сацыяльнай сеткі «ВКонтакте».

Менавіта для «Цэнтру кіраваньня расьсьледаваньнямі» Архан Джэмаль, Аляксандр Растаргуеў і Кірыл Радчанка здымалі ў Афрыцы дакумэнтальны фільм пра расейскіх наймітаў з прыватнай вайсковай кампаніі «Вагнера».

Напярэдадні стала вядома пра гібель журналістаў. Паводле адной з вэрсій, іх аўтамабіль расстралялі недалёка ад сталіцы ЦАР, Бангі. Паведамляецца таксама, што прычынай нападу магла стаць спроба рабаваньня. Як паведамілі ў «Цэнтры кіраваньня расьсьледаваньнямі», у журналістаў была відэа- і фотаапаратура, а таксама каля васьмі з паловай тысяч долараў гатоўкай на выпадак надзвычайнай сытуацыі.

Акрамя гэтага, паводле цэнтральнаафрыканскага сайту Palmarescentrafrique.com, да нападу могуць быць датычныя байцы мясцовай тэрарыстычнай групоўкі «Сэлека». Перад забойствам яны нібыта дапыталі журналістаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG