Лінкі ўнівэрсальнага доступу

ТБМ выдасьць да Эўрапейскіх гульняў турыстычныя буклеты на сямі мовах


Лягатып Другіх Эўрапейскіх гульняў

Сакратарыят Таварыства беларускай мовы імя Францішка Скарыны вырашыў правесьці кампанію прэзэнтацыі краіны для турыстаў, якія прыедуць на Другія Эўрапейскія гульні ў Беларусь 21–30 чэрвеня наступнага году. Пра гэта сказала Радыё Свабода старшыня ТБМ Алена Анісім.

Пачынаецца кампанія са стварэньня «сіламі грамадзтва» буклетаў з краязнаўчай інфармацыяй пра рэгіёны краіны. Тэкст плянуюць выдаць па-беларуску і яшчэ на шасьці замежных мовах: ангельскай, гішпанскай, італьянскай, нямецкай, польскай, францускай.

«Наша задача — прэзэнтаваць Беларусь як краіну са сваёй адметнай мовай. Мы распавядзём пра найцікавейшыя гістарычныя мясьціны, храмы, помнікі, аграсядзібы, кавярні, дзе можна паспытаць стравы беларускай кухні. Гэта будзе сумесь краязнаўчай і турыстычнай інфармацыі. Заўзятары ж ня будуць абсалютна ўвесь час сядзець на трыбунах. Няхай праедуцца, пабачаць, якая яна, наша Беларусь», — кажа пра задуму Алена Анісім.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG