Колькасьць загінулых пры нападах ў Сырыі ўзрасла да 96, яшчэ 176 — параненыя, паведамляе агенцтва Reuters са спасылкай на заявы мясцовых уладаў. Праваабаронцы з Сырыйскага цэнтра маніторынгу правоў чалавека сьцьвярджаюць, што ахвяр тэрактаў больш за 150.
Скаардынаваныя выбухі ў правінцыі Сувэйда на поўдні Сырыі адбыліся ў сераду. Адзін сьмяротнік прывёў у дзеяньне бомбу на ажыўленым рынку, іншы зладзіў самагубчы выбух у суседнім раёне.
Адказнасьць за атакі ўзяла на сябе тэрарыстычная групоўка «Ісламская дзяржава».