Лінкі ўнівэрсальнага доступу

Трамп папярэдзіў Іран пра наступствы неабачлівых заяваў 


Дональд Трамп
Дональд Трамп

Прэзыдэнт ЗША Дональд Трамп перасьцярог іранскага лідэра Хасана Рухані ад пагрозаў на адрас Злучаных Штатаў.

«Ніколі не пагражайце Злучаным Штатам Амэрыкі, у адваротным выпадку вы сутыкнецеся з такімі наступствамі, зь якімі ніколі не сутыкаліся за ўсю вашу гісторыю. Мы ня тая краіна, якая будзе падтрымліваць вашыя вар’яцкія заявы, гвалт і сьмерць. Будзьце ўважлівымі», — напісаў Трамп у Twitter, зьвяртаючыся да Хасана Рухані.

Раней прэзыдэнт Ірану на сустрэчы з дыпляматамі скрытыкаваў намеры ЗША перашкодзіць экспарту іранскай нафты.

«Чалавек, які хоць трохі разьбіраецца ў палітыцы, ніколі ня скажа, што перашкодзіць экспарту іранскай нафты. Існуе шмат праліваў, і Армускі — адзін зь іх. Мір зь Іранам — гэта ключ да міру, а вайна з Іранам — ключ да ўсіх войнаў», — сказаў Хасан Рухані.

Напярэдадні дзяржсакратар ЗША Майк Пампэа, выступаючы ў Каліфорніі, таксама рэзка скрытыкаваў іранскую ўладу, параўнаўшы яе з «мафіяй». Па яго словах, Вашынгтон працягне аказваць дыпляматычны, вайсковы і фінансавы ціск на Тэгеран.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG