Лінкі ўнівэрсальнага доступу

Масквіч з локшынай на вушах зладзіў акцыю на здымцы інтэрвію мэра Сабяніна. ВІДЭА


Жыхар Масквы Сяргей Харытонаў зладзіў акцыю на тэлеінтэрвію мэра Масквы Сяргея Сабяніна. Відэа, дзе ён здымае Сабяніна на камэру, стоячы з сапраўднай локшынай на вушах, Харытонаў апублікаваў у сваім Instagram.

Празь некалькі гадзін Харытонаў закрыў сваю старонку, а затым выдаліў.

18 ліпеня Сабянін даў інтэрвію тэлеканалу «Масква 24», які належыць мэрыі сталіцы. У ходзе гутаркі, якую здымалі ў парку «Зарадзьдзе» Сабянін распавядаў, як «важна, каб чалавеку ў гэтым горадзе жылося камфортна».

У размове з TJ Харытонаў заявіў, што працуе апэратар-фрылансэр, але адмовіўся сказаць, якога тэлеканалу. Паводле яго слоў, ён не плянаваў выстаўляць ролік як акцыю пратэсту, а проста «хацеў выказаць меркаваньне». Ён таксама ўпэўнены, што ніякай рэакцыі ўладаў ня будзе.

На тэлеканале заявілі, што не здымаюць прамыя эфіры на такія камэры, і Харытонаў ня мае да яго ніякага дачыненьня. Генэральны прадусар «Масква 24» Аляксей Вяршынін дадаў, што тэлеканал ня будзе патрабаваць выбачэньняў ад масквіча і не зьбіраецца зьвяртацца ў суд. Ён таксама паведаміў, што на тэлеканале гатовыя афіцыйна ўзяць на працу Харытонава.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG