Лінкі ўнівэрсальнага доступу

Дыега Марадона прыляцеў у Берасьце. Але жыць там не застанецца. ФАТАФАКТ

абноўлена

Новы старшыня праўленьня берасьцейскага футбольнага клюбу «Дынама» прыляцеў у Беларусь удзень 16 ліпеня.

Як перадае карэспандэнт Свабоды, Марадону прывезьлі ў самы дарагі ў Берасьці гатэль «Эрмітаж» з чорнага ўваходу. Аргентынец прывітаўся з журналістамі з-за плоту і сказаў, што пабачыцца зь імі на прэс-канфэрэнцыі.

У яго адмысловая ахова — хлопцы з аднаго з берасьцейскіх клюбаў адзінаборстваў прыстаўленыя да яго на ўвесь час знаходжаньня ў Беларусі.

Прыезд Марадоны асьвятляюць каля сотні журналістаў зь Беларусі, Літвы, Польшчы і Расеі.

Марадона ня будзе жыць у Берасьці

Як расказаў расейскаму «Спорт-Экспресс» Валдас Іванаўскас, былы спартовы дырэктар «Дынама», Дыега Марадона ня будзе жыць у Берасьці — гэта асобна прапісана ў ягоным кантракце. Былы футбаліст зборнай Аргентыны будзе толькі часова прыяжджаць у горад і працаваць з камандай.

Падрабязнасьці таго, што будзе рабіць Марадона ў Берасьці, канфідэнцыйныя. Іванаўскас сьцьвярджае, што «фінансы тут ня самае галоўнае», але заяўляе, што «Дынама» цяпер цэліцца на групавы этап Лігі чэмпіёнаў.

Таксама Іванаўскас пракамэнтаваў грубыя жэсты Марадоны ў Расеі: маўляў, «чалавек ён эмацыйны, але такія жэсты яго не ўпрыгожваюць», ды «ён Марадона, можа сабе такое дазволіць».

Менавіта 16 ліпеня берасьцейскія дынамаўцы гуляюць дома з салігорскім «Шахтаром». Пасьля 16 тураў «Шахтар» знаходзіцца на 4-м месцы ў беларускай Вышэйшай лізе, берасьцейскае «Дынама» – толькі на 6-м. Першае месца з адрывам у сем балаў ад другога займае барысаўскае БАТЭ, якое штогод становіцца чэмпіёнам з 2006 году, усяго было чэмпіёнам 14 раз.

Рука Бога, адрэзаныя ногі і тату зь Фідэлем: 8 фактаў пра Дыега Марадону, новага мэнэджара берасьцейскага «Дынама»

Марадону плацяць 12 тысяч даляраў за тое, каб пасядзеў у VIP-лёжы

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG