На Чэмпіянаце сьвету 2018 году ў Маскве зборная Францыі ў фінале перамагла Харватыю зь лікам 4:2 і другі раз у гісторыі трафэя заваявала тытул чэмпіёна сьвету.
Першы раз Францыя трыюмфавала на чэмпіянаце 1998 году, які праходзіў у самой Францыі. У 2002 і 2006 гадах французы выходзілі ў фінал першынства.
Парыж сьвяткуе перамогу Францыі ў чэмпіянаце сьвету па футболе. ФОТА
На стадыёне ў Лужніках за гульнёй сваіх камандаў назіралі прэзыдэнты Харватыі і Францыі - Калінда Грабар-Кітаравіч і Эманюэль Макрон.
Падчас матчу адбыўся выпадак, калі на пачатку другога тайму гульня была спыненая, бо на поле выбеглі староньнія людзі ў паліцыйнай уніформе. Невядомыя пасьпелі дабегчы да сярэдзіны поля, дзе іх нагналі службы аховы.
Адказнасьць за акцыю ўзяў на сябе фэмінісцкі панк-гурт Pussy Riot, які такім чынам пратэставаў супраць паліцыйнага гвалту ў Расеі і патрабаваў вызваленьня палітычных зьняволеных.