Лінкі ўнівэрсальнага доступу

Пачуцьцё самоты ў чалавека можа быць зьвязана з генамі


Доўгатэрміновае пачуцьцё самоты (калі чалавек адчувае сябе самотным на працягу ўсяго жыцьця, а не эпізадычна) наўпрост зьвязана з нашым генатыпам, высьветлілі брытанскія навукоўцы.

Група навукоўцаў з Кембрыдзкага ўнівэрсытэту выявіла 15 адпаведных генэтычных варыяцый ДНК.

«Мы часта думаем, што адзінота абумоўлена выключна навакольным асяродзьдзем і жыцьцёвым досьведам, але гэтае дасьледаваньне дэманструе, што гены таксама могуць адыгрываць пэўную ролю», — сьцьвярджае адзін з дасьледчыкаў, Джон Пэры.

Навукоўцы вывучылі анкеты больш чым 450 тысяч чалавек з Нацыянальнага біябанку Вялікабрытаніі (біябанк зьбірае, захоўвае, абнаўляе і падае для навукоўцаў біялягічныя ўзоры і дадзеныя клінічных і лябараторных абсьледаваньняў пацыента).

Сьпярша рэспандэнтам задавалі пытаньні: ці часта вы адчуваеце сябе самотна, колькі чалавек жыве ў вашым доме, уключаючы вас, як часта вы наведваеце сяброў, родных або яны вас, як часта вы пакладаецеся на сваіх блізкіх.

На другім этапе навукоўцы ўсталявалі супадзеньні ў 15 участках ДНК, якія карэлюцца з пачуцьцём самоты.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG