У Кітаі ў выніку выбуху на хімічным заводзе загінулі 19 чалавек, параненыя 12, паведамляе агенцтва Reuters.
Выбух здарыўся ўвечары 12 ліпеня на заводзе ў індустрыяльным парку ў правінцыі Сычуань. Прычыны пакуль невядомыя.
Пацярпелыя ў стабільным стане, пачалося расьсьледаваньне, паведаміла дзяржаўнае інфармацыйнае агенцтва Сіньхуа.
У лютым 8 чалавек загінулі і 10 пацярпелі ў выніку працёку газу на сталяварным заводзе на поўдні Кітая.
