Лінкі ўнівэрсальнага доступу

7 ліпеня ў Віцебску штогод згадваюць сусьветна вядомага мастака.

Да юбілейных датаў у горадзе рыхтуюць цэлыя цыклі мерапрыемстваў. Але нават «някруглыя» даты заўжды адзначаюцца — ускладаньнем кветак да помніка на вуліцы Пакроўскай, роднай вуліцы Марка Шагала. І канцэртам у дворыку дому-музэю, дзе прайшло дзяцінства будучага Мэтра жывапісу.

Зь Віцебскам Шагала лучыць ня толькі паходжаньне: мастак шчыра прызнаваўся, што гэты горад яго натхняе і што памяць пра вузкія вулачкі, брукаванку пад нагамі і блакітнае неба над дахамі невысокіх дамкоў ня сьцерлася да самых апошніх ягоных дзён.

Мастак адышоў у лепшы сьвет далёка ад сваёй радзімы, але кожны віцяблянін мае ў сэрцы гэты сантымэнт — датычнасьць да фантастычнага сьвету творчасьці «нашага Марка Захаравіча».

Дырэктарка Арт-цэнтру Марка Шагала Ірына Воранава
Дырэктарка Арт-цэнтру Марка Шагала Ірына Воранава
Удзельніца шагалаўскага пленэру, які завяршыўся сёньня, мастачка зь Нямеччыны Бэатэ Гардынг-Шубэрт
Удзельніца шагалаўскага пленэру, які завяршыўся сёньня, мастачка зь Нямеччыны Бэатэ Гардынг-Шубэрт
Выступае ансамбль габрэйскай музыки "Тхія" з Бабруйску
Выступае ансамбль габрэйскай музыки "Тхія" з Бабруйску

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG