Як паведамілі 6 ліпеня ў Міжнароднай арганізацыі па міграцыі, са студзеня па ліпень 2018 года праз мора ў Эўропу трапілі 46 000 чалавек. Летась за такі ж пэрыяд было 101 000 чалавек. У 2016 годзе за гэты першае паўгодзьдзе ў Эўропу Міжземным морам прыбылі 231 000 чалавек.
Большасьць з прыбылых уцекачоў трапілі ў Італію (каля 17 000 чалавек), Гішпанію (каля 16 000) і Грэцыю (каля 14 000 чалавек).
Падчас падарожжа праз Міжземнае мора гінуць тысячы шукальнікаў лепшай долі. Сёлета загінулі каля 1,5 тысячы чалавек, у першым паўгодзьдзі мінулага года — каля 2,5 тысячы.
