Лінкі ўнівэрсальнага доступу

Памёр Клёд Лянзман, аўтар аднаго з самых знакамітых дакумэнтальных фільмаў пра Галакост


Клёд Лянзман. Архіўнае фота

У Францыі ва ўзросьце 92-х гадоў памёр рэжысэр і пісьменьнік Клёд Лянзман, аўтар аднаго з самых знакамітых дакумэнтальных фільмаў пра Галакост — «Шоа» («Катастрофа»).

Клёд Лянзман зьвязаны каранямі зь Беларусьсю. Ягоныя габрэйскія продкі па бацькоўскай лініі эмігравалі ў Францыю на пачатку 20 стагодзьдзя зь Вілейкі, па мацярынскай лініі - з Кішынэву. У гады Другой сусьветнай вайны ён быў удзельнікам Руху супраціву. У наступныя дзесяцігодзьдзі быў публіцыстам і выкладчыкам філязофіі, а ў 70-я гады заняўся дакумэнтальным кіно.

Фільм «Шоа» ён здымаў больш за 10 гадоў, на экраны ён выйшаў у 1985 годзе і атрымаў сусьветную вядомасьць. Фільм ідзе амаль дзевяць гадзін і складаецца зь сьведчаньняў людзей, якія перажылі Галакост, а таксама былых нацыстаў. Тэме Галакосту прысьвечаны і шэраг наступных яго фільмаў — пра нацысцкія лягеры сьмерці. Лянзман працягваў здымаць кіно да апошніх гадоў, летась ён прадставіў на канскім кінафэстывалі фільм «Напалм».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG