Лінкі ўнівэрсальнага доступу

Лукашэнка пакрыўдзіўся, што ягоныя мірныя ініцыятывы нікому не патрэбныя 


Аляксандар Лукашэнка ў камуфляжы, ілюстрацыйнае фота

Аляксандар Лукашэнка заявіў, што Беларусь выступіла з шэрагам ініцыятыў, накіраваных на ўмацаваньне бясьпекі ў рэгіёне, аднак міжнародная супольнасьць ня робіць у гэтым напрамку ніякіх рэальных крокаў.

Заява прагучала на сустрэчы з выпускнікамі вайсковых ВНУ.

«Наша краіна прапанавала сусьветнай супольнасьці знешнепалітычныя ініцыятывы, у аснове якіх ляжаць ідэі зьніжэньня напружанасьці і ўмацаваньня захадаў даверу ў рэгіёне. Быццам бы нас і чуюць, але ніякіх дзеяньняў пакуль ня робяць — незразумела, чаму», — цытуе Лукашэнку ягоная прэс-служба.

Лукашэнка адзначыў, што ў сучасным сьвеце адбываецца пашырэньне ваенных блёкаў. На яго перакананьне, маўкліва назіраць за гэтым недапушчальна:

«У арсэнале міжнародных адносінаў адным з інструмэнтаў зьнешняй палітыкі па-ранейшаму застаецца ўзброеная агрэсія. Мае месца пашырэньне ваенных саюзаў ва ўрон бясьпецы іншых краінаў».

Лукашэнка заявіў, што Беларусь праводзіць міралюбівую зьнешнюю палітыку, а беларусы цэняць перадусім бясьпеку і незалежнасьць.

«І гэтыя важнейшыя дасягненьні нашага народа маюць патрэбу, натуральна, у надзейнай абароне», — сказаў Аляксандар Лукашэнка, зьвяртаючыся да маладых афіцэраў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG