Лінкі ўнівэрсальнага доступу

Суд у Аўстрыі дазволіў грамадзянам указваць у дакумэнтах трэці пол


Трансгендэр (ка) у Паккістане паказвае пашпарт з указаньнем трэцяга полу.

Канстытуцыйны суд ў Аўстрыі дазволіў грамадзянам указваць у афіцыйных дакумэнтах трэці пол. Пра гэта паведамляе агенцтва Associated Press.

Рашэньне было прынятае пасьля разгляду пазову грамадзяніна, які прасіў прызнаць сябе інтэрсэксуалам (чалавекам, які мае прыкметы як мужчынскага, так і жаночага полу).

Пастанову суду падтрымалі апазыцыйныя партыі. Правапапулісцкая Аўстрыйская партыя свабоды, якая ўваходзіць ва ўрадавую кааліцыю, выступіла з крытыкай. У партыі лічаць, што рашэньне выкліча шматлікія праблемы, якія тычацца службы ў войску ці пэнсій.

У канцы мінулага году суд у Нямеччыне заявіў аб неабходнасьці стварэньня ў актах грамадзянскага стану магчымасьці ўказаньня трэцяга полу ці адысьці ад указаньня полу наагул. Мяркуецца, што адпаведны закон будзе прыняты да канца 2018 году.

Нядаўна трэці пол прызналі ў Нідэрляндах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG