Лінкі ўнівэрсальнага доступу

Лябедзька будзе зноў балятавацца на пасаду старшыні АГП


Анатоль Лябедзька

На справаздачна-выбарным зьезьдзе Аб’яднанай грамадзянскай партыі, заплянаваным на 8 ліпеня, будзе ўжо ня тры, а чатыры кандыдаты на пасаду партыйнага старшыні.

Да Мікалая Казлова, Ганны Канапацкай і Васіля Палякова нечакана далучыўся і цяперашні партыйны лідэр Анатоль Лябедзька, які раней неаднаразова заяўляў, што гэтым разам вылучацца ня будзе.

Паведамленьне пра гэта зьявілася на афіцыйным партыйным сайце.

У офісе АГП Свабодзе спраўдзілі гэтую інфармацыю. Тут паведамілі, што ўвечары 27 чэрвеня Лябедзька вяртаецца з Брусэлю, дзе ён цяпер удзельнічае ў сэсіі «Эўранэсту».

Чатыры кандыдаты правядуць тэледэбаты, якія будуць трансьлявацца на сайце і сацыяльных сетках АГП. Будуць запісаныя чатыры тэматычныя перадачы. Весьці дэбаты зьбіраюцца Павал Мажэйка і Глеб Лабадзенка.

Анатоль Лябедзька нязьменна ачольвае АГП з 2000 году. У партыйным статуце няма абмежаваньняў на колькасьць тэрмінаў кіраваньня партыяй адной і той жа асобай.

Хто заменіць Лябедзьку на чале АГП? Тры прэтэндэнты пра перамены ў партыі

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG