У Беларусі зь візытам знаходзіцца дэлегацыя Нацыянальнай асамблеі Францыі, 4 дэпутаты, якія ўваходзяць у групу сяброўства «Францыя — Беларусь».
25 чэрвеня ў дэлегацыі заплянаваныя сустрэчы ў Нацыянальным сходзе Беларусі.
Падчас сустрэчы зь Міхаілам Мясьніковічам, якая ўжо адбылася, старшыня групы «Францыя — Беларусь» Крыстоф Лёжэн заявіў пра патрэбу актывізаваць эканамічнае супрацоўніцтва паміж дзьвюма краінамі, павелічэньня колькасьці інвэстыцый у прамысловасьць і сельскую гаспадарку, паведамляе БелаПАН.
Увечары дэлегацыя парлямэнту Францыі сустрэнецца зь беларускімі праваабаронцамі, прадстаўнікамі палітычных партый і няўрадавых арганізацый.