Лінкі ўнівэрсальнага доступу

Урад Эгіпту падоўжыў надзвычайнае становішча на тры месяцы


Прэзыдэнт Эгіпту Абдула Фатах ас-Сісі
Прэзыдэнт Эгіпту Абдула Фатах ас-Сісі

Рэжым надзвычайнага становішча быў уведзены пасьля выбухаў у копцкіх цэрквах летась, паведамляе «Голас Амэрыкі».

Эгіпецкія ўлады працягнулі рэжым надзвычайнага становішча ў краіне яшчэ на тры месяцы.

Рашэньне прэзыдэнта Абдула Фатаха ас-Сісі было апублікавана ў афіцыйнай газэце ў нядзелю. Яно павінна быць ухвалена парлямэнтам на працягу сямі дзён і набывае сілу 14 ліпеня.

Надзвычайнае становішча ў Эгіпце было абвешчана пасьля выбухаў у дзьвюх копцкіх цэрквах у красавіку мінулага году, ажыцьцёўленых філіялам «Ісламскай дзяржавы». У выніку выбухаў загінулі сама меней 44 чалавекі.

Эгіпет шмат гадоў змагаецца з ісламісцкімі баевікамі, аднак апошнія ўзмацніліся пасьля зьвяржэньня ў 2013 годзе выбранага прэзыдэнта-ісламіста, фігура якога выклікала спрэчкі. Асноўнымі мішэнямі для баевікоў зьяўляюцца сілы бясьпекі і хрысьціяне.

У лютым Эгіпет пачаў маштабную апэрацыю супраць баевікоў на Сінаі, у раёнах дэльты Ніла і Заходняй пустыні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG