25-29 чэрвеня ў адпаведнасьці з палажэньнямі Венскага дакумэнта 2011 году Беларусь наведае інспэкцыйная група з Канады. Замежныя вайскоўцы правядуць інспэкцыю вызначаных раёнаў на тэрыторыі Менскай і Магілёўскай абласьцей.
Пра гэта паведамляе БелаПАН са спасылкай на прэс-служба беларускага Міністэрства абароны.
Мэта інспэкцыі — пацьвердзіць адсутнасьць у раёнах, якія будуць інспэктавацца, ваеннай дзейнасьці, што падлягае папярэдняму паведамленьню ў адпаведнасьці з палажэньнямі Венскага дакумэнта 2011 году.
У складзе інспэкцыйнай групы, акрамя двух канадзкіх вайсковых інспэктараў, будуць працаваць па адным вайсковым інспэктары з ЗША і Фінляндыі.
