Беларусь абмежавала ўвоз птушкі з Самарскай, Пензенскай і Курскай абласьцей Расеі з прычыны птушынага грыпу. Пра гэта піша БелаПАН са спасылкай на дэпартамэнт вэтэрынарнага і спажывецкага нагляду Міністэрства сельскай гаспадаркі і харчаваньня.
Ад 23 чэрвеня ўводзяцца часовыя абмежаваньні на ўвоз:
- жывой птушкі,
- інкубацыйных яек,
- дзікіх, заапаркавых і цыркавых жывёлаў;
- мяса птушкі;
- харчовых прадуктаў перапрацоўкі курынага яйка,
- пуху і пер’я;
- паляўнічых трафэяў і іншай прадукцыі.
У дэпартамэнце папярэджваюць пра неабходнасьць дадатковых мэтадаў кантролю, каб забясьпечыць біялягічную абарону птушкагадоўчых аб’ектаў.
Птушыны грып — вострая інфэкцыйная вірусная хвароба птушак, якая прыводзіць да паражэньня органаў дыханьня і страваваньня. Сьмяротнасьць хворых высокая.
