Лінкі ўнівэрсальнага доступу

Менскі плянэтарый распачаў збор грошай на новыя праектары, «як IMAX»


Ілюстрацыйнае фота

На сайце Talaka.by запусьціўся збор грошай на новы праектар для менскага плянэтарыя, бо старыя «вычарпалі свой рэсурс».

Як піша загадчык плянэтарыю Аляксандар Мікуліч, 12,3 тысячы рублёў патрэбныя для 4 праектараў Aser H7550ST фармату FullHD дзеля «поўнага купалу», які падобны па якасьці карцінкі да IMAX-кінатэатраў. Разам праектары дадуць разрозьненьне 3K, высокую яскравасьць і кантрастнасьць карцінкі – «космас стане яшчэ рэалістычнай і бліжэй», кажуць арганізатары збору грошай.

Паглядзець сфэрычныя фільмы (такія, калі карцінка і сьпераду ад гледача, і ззаду, і над галавой) ў плянэтарыі можна і цяпер — там дэманструюцца як дакумэнтальныя фільмы пра тэлескопы, цёмную матэрыю або чорныя дзіры, так і дзіцячыя мультфільмы пра космас. Акрамя кіно ў плянэтарыі ладзяць таксама публічныя лекцыі навукоўцаў і «экскурсіі па зорным небе».

За ўнёсак у 8 рублёў можна атрымаць адзін квіток на любы сэанс у плянэтарыі, за 18 рублёў — квіток і права прыйсьці на сэанс з пап-корнам, што звычайна забаронена, за 100 рублёў — клюбную картку плянэтарыя з правам праходу на любы сэанс цягам году, за большыя сумы — рэкляму і брэндаваньне.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG