Лінкі ўнівэрсальнага доступу

Прэмʼер-міністар Грузіі Георгі Квірыкашвілі падаў у адстаўку разам з урадам, патлумачыўшы адстаўку «фундамэнтальнымі рознагалосьсямі» з заснавальнікам кіроўнай партыі «Грузінская мара» мільярдэрам Бідзінам Іванішвілі.

Квірыкашвілі абвясьціў пра гэта на адмысловым брыфінгу. Заява была зробленая пасьля таго, як у Тбілісі прайшлі антыўрадавыя пратэсты.

Квірыкашвілі 50 гадоў. Ён займаў пасаду прэмʼер-міністра з 2015 году.

31 мая пачалася ў Тбілісі прайшла хваля дэманстрацыяў на знак пратэсту супраць таго, што, па словах дэманстрантаў, было парушэньнем правасудзьдзя пасьля забойства двух падлеткаў у сьнежні летась. Пратэсты скончыліся пасьля 6 чэрвеня, але аднавіліся 10 чэрвеня і завяршыліся 11 чэрвеня, калі паліцыя дэмантажавала намёты пратэстоўцаў і затрымала апазыцыйных палітыкаў і іх прыхільнікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG