Лінкі ўнівэрсальнага доступу

Міліцыянта, які зламаў нагу вяскоўцу, пакаралі 4 гадамі ўзмоцненага рэжыму


Другі зьлева на пярэднім пляне — пацярпелы Анатоль Глыцюк

Міліцыянта Сяргея Куляшова асудзілі за перавышэньне ўлады або службовых паўнамоцтваў. Ён падчас затрыманьня зламаў нагу селяніну Анатолю Глыцюку.

12 чэрвеня начальнік Кобрынскага РАУС Уладзімер Сьцепанюк заступаўся за Куляшова:

«Вы судзіце не ўчастковага інспэктара міліцыі, не супрацоўніка Кобрынскага РАУС — вы судзіце ўсю сыстэму органаў унутраных спраў Рэспублікі Беларусь», — сказаў кіраўнік кобрынскай міліцыі.

13 чэрвеня пракурор заявіў, што віна Сяргея Куляшова даказаная сьведкамі, экспэртызамі і сьледчым экспэрымэнтам.

Паводле пракурора, дзеяньні падсуднага выйшлі «за межы правоў і паўнамоцтваў і пацягнулі ўчыненьне шкоды правам і інтарэсам грамадзянаў, а таксама дзяржаўным інтарэсам» і былі перавышэньнем улады і службовых паўнамоцтваў, спалучаным з гвалтам у дачыненьні да пацярпелага.​

Міліцыянт Куляшоў (зьлева)
Міліцыянт Куляшоў (зьлева)

У якасьці зьмякчальных абставінаў дзяржаўны абвінаваўца адзначыў выплату ўчыненай шкоды і наяўнасьць малалетніх дзяцей.

Судзьдзя Пётар Цімашэнка абвясьціў вырак, які цалкам супаў з прапановай пракурора: 4 гады пазбаўленьня волі ў калёніі ўзмоцненага рэжыму.

Пасьля гэтага Сяргея Куляшова адразу ўзялі пад варту.

За працэсам назіралі дзясяткі міліцыянтаў у форме, якія амаль цалкам запоўнілі залю. На абвяшчэньне прысуду, аднак, большасьць іх не прыйшла.

Гісторыя канфлікту ў дзьвюх хвілінах

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG