Лінкі ўнівэрсальнага доступу

У Рызе прайшоў Балтыйскі прайд-парад. ВІДЭА


У цэнтры Рыгі. Ілюстрацыйнае фота.

У сталіцы Латвіі 9 чэрвеня адбыўся Балтыйскі прайд-парад. Трохгадзінная акцыя была ўзгоднена зь мясцовымі чыноўнікамі. У маршы, які прайшоў цэнтрам горада, прынялі ўдзел каля дзьвюх тысяч чалавек.

Упершыню ў шэсьці прымалі ўдзел прадстаўнікі палітычных партый краіны. На маршы было шмат гасьцей з суседніх краін, у тым ліку — Беларусі і Расеі.

У дзень прайду паліцыя выставіла па горадзе спэцыяльныя агароджы. Вартавыя парадку працавалі ў адмысловым рэжыме. За агароджамі выстраіліся некалькі пратэстуючых, але канфліктаў удалося пазьбегнуць.

Арганізатары маршу настойліва прасілі удзельнікаў ігнараваць правакатараў.

Тыдзень Балтыйскага прайду кожны год праходзіць у адной з краін Балтыі па чарзе.

У 2017 годзе прайд-тыдзень праходзіў у Эстоніі, а гей-парад правялі ў Таліне. Акцыя прайшла спакойна, яе ўдзельнікі заявілі, што адчувалі сябе ў поўнай бяспецы. Многія ўздымалі пытаньне таго, што адбываецца з ЛГБТ-супольнасьцю ў суседняй Расеі.

Яшчэ 10 гадоў таму гей-прайд быў практычна немагчымы ў краінах Балтыі. Першае шэсьце члены ЛГБТ-руху зладзілі ў Рызе ў 2009 годзе: перад гэтым арганізатарам прыйшлося адстойваць прайд у судзе.

Гей-парад у выніку дазволілі, але паліцыі давялося перакрыць увесь цэнтар гораду і ахоўваць удзельнікаў параду ад магчымых нападаў з боку прыхільнікаў традыцыйных каштоўнасьцяў і проста хуліганаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG