Трое матацыклістаў спрабавалі сёньня патрапіць у рэстарацыю «Поедем поедим» каля Курапатаў. Сярод іх быў чалавек, якога пратэстоўцы прынялі за Барыса Сурыса — аднаго з уладальнікаў. Пачалася патасоўка з актывістамі, матацыклістам не далі праехаць на тэрыторыю рэстарацыі і яны зьехалі.
Як і ўчора, пратэстоўцы ў Курапатах не прапускаюць транспарт, які прыяжджае ў рэстарацыю «Поедем поедим», пабудаваную каля ўрочышча Курапаты.
У адным з матацыклістаў, якія спрабавалі патрапіць на тэрыторыі рэстарацыі сёньня, апазналі Барыса Сурыса. Ён зьяўляецца адным з уладальнікаў «Поедем поедим».
Каб у рэстарацыю нельга было трапіць з іншых бакоў, актывісты перагароджваюць магчымыя пад'езды.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў