Лінкі ўнівэрсальнага доступу

Эўракамісія ўхваліла мыты на імпарт з ЗША, назваўшы гэта «прапарцыйным адказам»


Эўракамісія ўхваліла ўвядзеньне новых мытаў у дачыненьні да амэрыканскіх тавараў на суму 2,8 мільярда эўра, гаворыцца ў прэс-рэлізе ведамства. Новыя тарыфы плянуецца ўвесьці ў дзеяньне ўжо ў ліпені. У дакумэнце падкрэсьліваецца, што гэтыя меры «цалкам адпавядаюць правілам Сусьветнай гандлёвай арганізацыі».

Тарыфы тычацца амэрыканскай сельскагаспадарчай і мэталюргічнай прадукцыі, касмэтыкі, адзеньня, матацыклаў, катэраў, яхт, а таксама прадуктаў харчаваньня, такіх як апэльсінавы сок, арахісавае масла, віскі і тытунёвыя вырабы.

Агульная сума страт Эўразьвязу ў сувязі з рашэньнем адміністрацыі прэзыдэнта ЗША Дональда Трампа ўвесьці мыты на эўрапейскія тавары складае амаль 6 з паловай мільярдаў эўра. У найбліжэйшыя тры гады Брусэль ўвядзе свае мыты яшчэ на 3,6 мільярда эўра.

Прадстаўнік Эўракамісіі ў пытаньнях гандлю Сэсылія Мальмстрэм назвала мыты ЭЗ «узважаным і на аднабаковае і незаконнае рашэньне, прынятае Злучанымі Штатамі».

У сакавіку Трамп абвясьціў аб увядзеньні мытаў для ўсіх краін, якія пастаўляюць у ЗША сталёвую і алюмініевую прадукцыю, аднак да канца мая часова вывеў з-пад дзеяньня гэтага ўказу Аўстралію, Аргентыну, Бразылію, Канаду, Мэксыку, Паўднёвую Карэю і краіны Эўразьвязу.

Пазьней было абвешчана пра рашэньне не працягваць дзеяньне выключэньняў у дачыненьні да Канады, Мэксыкі і ЭЗ. У нядзелю Кітай прыгразіў ЗША выйсьці з усіх гандлёвых і дзелавых пагадненьняў паміж краінамі ў выпадку, калі Вашынгтон рэалізуе пляны Трампа па ўвядзеньні новых мытаў і іншых мер у дачыненьні да Пэкіну.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG