Украінскі рэжысэр Леанід Кантэр, якога 5 чэрвеня знайшлі мёртвым, нібыта зьняў сваю сьмерць на відэакамэру. Пра гэта паведамляе LIGA.net са спасылкай на прэс-сакратара Нацыянальнай паліцыі Ўкраіны Яраслава Тракалу.
Паводле яго, відэазапіс пацьвярджае, што гэта было самагубства.
Леанід Кантэр быў рэжысэрам фільму «Міт» пра Васіля Сьліпака, опэрнага сьпевака і ўдзельніка баявых дзеяньняў, які загінуў на Данбасе.
Адзін з самых вядомых мастацкіх праектаў Леаніда Кантэра называўся «З табурэтам да акіяну». Удзельнікі вандравалі ад гораду да гораду, ад вёскі да вёскі, дзе спантанна гралі спэктаклі. Сымбалем экспэдыцыі быў звычайны драўляны табурэт, які выкарыстоўвалі ў часе спэктаклю як міні-дэкарацыю. Пасьля Кантэр разам зь беларусамі Аўгіньняй Манцэвіч і Ўладзіславам Юрковым удзельнічаў у кругасьветным падарожжы «З табурэтам праз кантынэнты».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў