Суд у Бішкеку зьмяніў меру стрыманьня былому прэм’ер-міністру Кіргізстану Сапару Ісакаву на ўтрыманьне ў СІЗА да канца сьледзтва. Раней Ісакава пасьля абвінавачваньняў адпусьцілі пад падпіску аб нявыезьдзе.
«Гэта поўная несправядлівасьць, слоў няма», — сказаў экс-прэмʼер журналістам пасьля рашэньня суда.
5 чэрвеня яго дапыталі ў Дзяржаўным камітэце нацыянальнай бясьпекі.
29 траўня Ісакаву прадʼявілі абвінавачваньні па справе аб карупцыі. Па вэрсіі сьледзтва, Ісакаў пралабіяваў інтарэсы замежнай кампаніі пры адборы падрадчыка, які павінен быў займацца мадэрнізацыяй Бішкецкай ЦЭЦ у 2013 годзе: чыноўнік займаў пасаду намесьніка кіраўніка апарата прэзыдэнта краіны.
Сапару Ісакаву, які ўсяго месяц таму быў кіраўніком ураду, можа пагражаць да 15 гадоў турмы.