Лінкі ўнівэрсальнага доступу

Ужо сёньня: 60 гадоў таму пачалося будаўніцтва Наваполацку


Скульптрура «Юнацтва» у Наваполацку. Здымак 2015 году.

Падзеі 7 чэрвеня ў беларускай і сусьветнай гісторыі.

Дата дня

7 чэрвеня 1958 году на левым узьбярэжжы Заходняй Дзьвіны пачалося будаўніцтва гораду Наваполацку.

Таксама ў гэты дзень

1099 — падчас першага крыжовага паходу пачалася аблога Ерусаліму.

1563 — Жыгімонт ІІ Аўгуст выдаў Віленскі прывілей, які зраўняў у правах праваслаўных і каталікоў у Вялікім княстве Літоўскім.

1927 — у Варшаве супрацоўнік «Беларускага слова» Барыс Каверда забіў савецкага амбасадара Пятра Войкава.

1995 — па выніках рэфэрэндуму 14 траўня 1995 году Аляксандар Лукашэнка зацьвердзіў палажэньні аб дзяржаўным гербе і сьцягу. На зьмену бел-чырвона-беламу сьцягу і гербу «Пагоня» афіцыйна вярнуліся амаль ня зьмененыя сьцяг і герб БССР.

Рэфэрэндум-1995, архіўнае фота
Рэфэрэндум-1995, архіўнае фота

У гэты дзень нарадзіліся

1794 — нарадзіўся Пётар Чаадаеў, расейскі рэлігійны філёзаф, прыхільнік каталіцтва. За крытыку праваслаўя і самаўладзтва быў абвешчаны вар’ятам.

1848 — нарадзіўся Поль Гаген, францускі мастак.

1880 — нарадзіўся Вацлаў Іваноўскі, беларускі палітычны і грамадзкі дзяяч, прафэсар хіміі.

Вацлаў Іваноўскі
Вацлаў Іваноўскі

У 1906 годзе Іваноўскі ўзначаліў створанае ім у Пецярбургу першае беларускае выдавецтва — суполку «Загляне сонца і ў наша аконца». У 1942 быў прызначаны нямецкімі акупацыйнымі ўладамі на пасаду бургамістра Менску. Загінуў 7 сьнежня 1943 у выніку тэрарыстычнага замаху савецкімі дывэрсантамі.

У памяці

1492 — у Горадні памёр Казімір Ягелончык, вялікі князь літоўскі у 1440–1492.

1976 — памёр Міхась Машара, заходнебеларускі паэт, савецкі празаік і перакладчык.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG