Лінкі ўнівэрсальнага доступу

Дах далей не паедзе: жыхар Менскага раёну накрыў дом выбарчым плякатам 2015 году


Пра гэта паведамляе партал TUT.BY.

Паводле парталу, у пасёлку Губічы (побач з Раўбічамі) заўважаны дом, дах якога накрыты гіганцкіх памераў транспарантам з гербам Рэспублікі Беларусь. Пры ўважлівым разглядзе бачна, што гэта часткі агітплякату апошніх прэзыдэнцкіх выбараў у 2015 годзе — на ім чытаюцца надпісы «11 кастрычніка» і «прэзыдэнта... Беларусь».

Фота, як адзначае партал, зьявілася ў сацсетках, яго публікатар пакінуў толькі кароткі камэнтар: «Гаспадарлівы мужык». Уладальнік загараднага дома такім чынам вырашыў праблему з гідраізаляцыяй даху.

Паводле падлікаў парталу, калі траспарант дастаўся вынаходліваму беларусу бясплатна, то ён здолеў зэканоміць як мінімум 100 рублёў на гідраізаляцыйнай плёнцы, якую яму давялося б купляць пад шыфэр.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG