Карэспандэнт туркмэнскай службы Радыё Свабода Сапармамед Непескуліеў 19 траўня выйшаў на волю пасьля трох гадоў зьняволеньня. Міжнародныя праваабарончыя арганізацыі называлі яго палітычным вязьнем.
Паводле інфармацыі Радыё Свабода, Непескуліеў вярнуўся дадому ў горад Балканабад. У яго сур’ёзныя праблемы са здароўем і яму патрабуецца тэрміновая мэдычная дапамога.
Непескуліева арыштавалі ў ліпені 2015 году за захоўваньне трамадолу, мэдыцынскага прэпарату, забароненага ў Туркмэністане. Праваабарончыя арганізацыі лічаць абвінавачваньні супраць яго сфальшаванымі.
Да свайго арышту журналіст публікаваў на сайце Радыё Свабода крытычныя відэарэпартажы аб зруйнаванай інфраструктуры і эканамічнай няроўнасьці ў заходнім Туркмэністане.
Туркмэністан займае 178-е месца ў рэйтынгу свабоды слова са 180, паводле вэрсіі арганізацыі «Рэпарцёры бязь межаў».
