Лінкі ўнівэрсальнага доступу

Жыхары Ірляндыі галасуюць за легалізацыю абортаў


Жыхары Ірляндыі 25 траўня галасуюць на рэфэрэндуме па легалізацыю абортаў. Вакол галасаваньня разьвязаліся дзьве бітвы: адна тычыцца сутнасьці рэфэрэндуму, другая — яго формы.

Упершыню тэхна-гігант Google забараняе палітычную рэкляму на спрэчную тэму, ды яшчэ і напярэдадні галасаваньня. Актывістам у пагоні за галасамі даводзіцца пасьпешліва пераглядаць агітацыйныя кампаніі.

Агітацыя офлайн

Палітычная рэкляма ў эфіры ірляндзкага тэлебачаньня пад забаронай. Мясцовыя вядучыя і журналісты рупліва абыходзяць вострыя моманты, абмяркоўваючы аборты. Адзіны шанец для актывістаў дагрукацца да гледача – узяць слова ў ток-шоў або трапіць у інфармацыйны сюжэт.

Вулічная барацьба за галасы ідзе значна больш актыўна. У буйных гарадах слупы абвешаныя плякатамі.

Агітацыя ў сетках

Тыя ж аргумэнты, але на падвышаных танах, гучаць і ў інтэрнэце.

  • «Нельга забараняць аборты. Можна забараніць толькі бясьпечныя і даступныя аборты» (@suziegeewizz).
  • «Нельга забіваць дзіця толькі таму, што вам нязручнае яго існаваньне» (@mcgrory_ellen).

Апошнія паўгода ірляндзкія журналісты ўважліва сочаць за інтэрнэтам: за трэндамі, фэйкамі і маніпуляцыямі, здольнымі паўплываць на вынікі рэфэрэндуму.

Асаблівая ўвага да таргетаванай або «нацэленай» рэклямы ў сацыяльных сетках. Маючы інфармацыю пра карыстальніка (узрост, пол, захапленьні і перакананьні), яна нацэльваецца на яго балявыя кропкі. Успамінаючы пра скандал з Cambridge Analytica, ірляндзкія актывісты заклікалі ўвесьці абмежаваньні на падобную рэкляму.

  • «Facebook заявіў, што больш не прымае рэкляму, зьвязаную з рэфэрэндумам, ад заказчыкаў па-за Ірландый. Google пайшой яшчэ далей» (The Irish Times, Ірландыя).
  • «Калі Facebook забараніў толькі рэклямныя аб'явы з замежнымі заказчыкамі, то Google – абсалютна ўсё» (RTÉ, Ірляндыя).

Вельмі скупое тлумачэньне выклікала ў СМІ мора пытаньняў. І ня толькі ў самой Ірляндыі. Чаму амэрыканскія тэхна-гіганты прынялі такое рашэньне ўсяго за два з паловай тыдні да галасаваньня, а не раней? Як гэта паўплывае на агітацыйныя кампаніі і вынік рэфэрэндуму? Хто наогул прымаў рашэньне і аддаваў загад? Ці не лічыць дзеяньні карпарацыяў умяшаньнем ва ўнутраную палітыку сувэрэннай дзяржавы?

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG