Лінкі ўнівэрсальнага доступу

Эўракамісія мае намер блякаваць санкцыі ЗША супраць Ірану


Саміт ЭЗ у Баўгарыі
Саміт ЭЗ у Баўгарыі

Пра гэтае рашэньне было абвешчана пасьля сустрэчы лідэраў ЭЗ у Баўгарыі.

Эўрапейская камісія мае намер ініцыяваць захады, якія забараняюць эўрапейскім кампаніям прытрымлівацца санкцыяў ЗША супраць Ірану.

Мяркуецца, што гэты крок будзе спрыяць захаваньню дзеючага ядзернага пагадненьня з Тэгеранам і дазволіць абараніць інтарэсы эўрапейскіх карпарацыяў.

«Нам неабходна абараніць эўрапейскія кампаніі, — сказаў старшыня Эўракамісіі Жан-Клёд Юнкер пасьля сустрэчы лідэраў Эўразьвязу, якая адбылася ў Сафіі. — Цяпер нам трэба дзейнічаць, і менавіта таму мы запускаем гэты працэс».

Паводле Юнкера, камісія пачне працэс актывізацыі так званага нарматыўнага акту аб блякаваньні. Гэты акт забароніць кампаніям ЭЗ выконваць санкцыі і любыя судовыя рашэньні, якія будуць прадугледжвацца амэрыканскімі санкцыямі ў дачыненьні да Ірану.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG