Вышэйшая атэстацыйная камісія Беларусі зацьвердзіла дысэртацыю на званьне доктара мэдычных навук старшыні камісіі Палаты прадстаўнікоў у пытаньнях аховы здароўя, фізычнай культуры, сямейнай і моладзевай палітыкі Людмілы Макарынай-Кібак.
Карэспандэнт Свабоды даведаўся ад яе, што:
- абарона дысэртацыі адбылася летась 4 кастрычніка ў Беларускай мэдычнай акадэміі пасьлядыплёмнай адукацыі;
- навуковая праца прысьвечаная праблемам дыягностыкі і рэабілітацыі пацыентаў з хранічным атытам;
- новы доктар навук не пакінула мэдычнай практыки, цяпер яна працуе на чвэрць стаўкі ў адной з клінік Менску.
Людміла Макарына-Кібак — дэпутатка па 99-й выбарчай Грушаўскай акрузе Менску. Раней была дэпутаткай сталічнага гарсавету.
Новы доктар навук стала трэцім дэпутатам Палаты прадстаўнікоў шостага скліканьня, які мае такую навуковую ступень. Таксама дактары — Сяргей Занько (мэдычных навук) і Ігар Марзалюк (гістарычных навук).
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў