Лінкі ўнівэрсальнага доступу

СМІ: нападнік на людзей у цэнтры Парыжа нарадзіўся ў Чачні


Нападнік, які забіў чалавека ў цэнтры Парыжу ўвечары 12 траўня, нарадзіўся ў 1997 годзе ў Чачні, паведамляе агенцтва Рэйтэр са спасылкай на крыніцу ў судзе.

Нападнік крыкнуў: «Алах Акбар!» (Бог Вялікі!) падчас нападу з нажом. Ён забіў аднаго чалавека і параніў чатырох, перш чым яго застрэліла паліцыя.

Паводле крыніцы, француская паліцыя дапытвае бацькоў падазраванага.

Крыніца не паведамляе, якая нацыянальнасьць у нападніка. Тэлеканал BFM TV паведаміў, што ён – расеец.

«Сярод пацярпелых грамадзян Беларусі няма»

Грамадзяне Беларусі не пацярпелі падчас нападу мужчыны з нажом у Парыжы на мінакоў, паведамілі ў амбасадзе Беларусі ў Францыі.

Як разьвіваліся падзеі

Мужчына, узброены нажом, каля 21:30 па мясцовым часе 12 траўня напаў на мінакоў у цэнтры Парыжа, недалёка ад парыскай Опэры.

Адразу пасьля нападу на вуліцы пачалася паніка, людзі хаваліся ў кафэ і рэстаранах.

Нападнік таксама паспрабаваў зайсьці ў некалькі бараў і рэстаранаў, аднак людзі, якія схаваліся ўнутры, не далі яму гэтага зрабіць.

Паліцыя спачатку спрабавала абясшкодзіць падазраванага пры дапамозе электрашокераў, аднак ёй гэта не ўдалося.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG