Тысячы палякаў выйшлі сёньня на вуліцы Варшавы для ўдзелу ў шэсьці з патрабаваньнем свабодных судоў і павагі да канстытуцыі.
Удзельнікі пратэсту асуджаюць папулісцкі ўрад, які, на іх думку, вінаваты ў эрозіі дэмакратыі.
У ходзе «Маршу свабоды» ў суботу многія людзі несьлі сьцягі Польшчы і Эўрапейскага Зьвязу і скандавалі розныя лёзунгі, накштал «Канстытуцыю!» і «Бясплатныя суды!»
Дзьве праэўрапейскія і цэнтрысцкія апазыцыйныя партыі, Грамадзянская плятформа і Сучасныя, былі ключавымі арганізатарамі пратэсту. У прамове, іх лідэры абвінавацілі кіроўную партыю Права і Справядлівасьці ў размываньні дэмакратычных свабодаў і антыдэмакратычнай рэформе судовай сыстэмы, што дае партыі кантроль за судамі.
Пункт гледжаньня пратэстуючых на сытуацыю ў Польшчы падтрымліваецца і лідэрамі ЭЗ, якія заклікаюць польскі ўрад адмяніць некаторыя рэформы.
Некаторыя пратэстоўцы падчас шэсьця трымалі трумалі ў руках невялікія копіі польскай канстытуцыі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў