Лінкі ўнівэрсальнага доступу

СБУ паведаміла пра затрыманьне «дэпутата народнага савету ЛНР»


Супрацоўнікі Службы бясьпекі Ўкраіны, прыцягнутыя да ваеннай апэрацыі ў Данбасе, затрымалі ў Луганскай вобласьці дэпутата групоўкі «ЛНР», паведамляе прэс-служба СБУ.

Паводле зьвестак ведамства, жыхар Хрустальнага (раней — Прамень) на Луганщыне далучыўся да незаконных узброеных фармаваньняў, дзе яго абралі «дэпутатам» «народнага савету».

«Апэратыўнікі спэцслужбы задакумэнтавалі, што зламысьнік падтрымліваў узброеную агрэсію Расеі супраць Украіны і спрыяў тэрарыстычнай дзейнасьці незаконных узброеных фармаваньняў, у прыватнасьці ўдзельнічаў у фінансаваньні некаторых груповак», — гаворыцца ў паведамленьні СБУ.

У спэцслужбе паведамілі, што прадстаўнік групоўкі «ЛНР» плянаваў прыбыць на падкантрольную ўкраінскай уладзе тэрыторыю Данбасу для атрыманьня ўкраінскай пэнсіі. Мужчыну затрымалі на адным з пунктаў пропуску пры перасячэньні лініі разьмежаваньня.

Затрыманаму паведамілі пра падазрэньні ў злачынстве і абраньні меры стрыманьня ў выглядзе зьмяшчэньня пад варту.

Узброены канфлікт у Данбасе працягваецца з 2014 году пасьля расейскай анэксіі Крыму. Украіна і Захад абвінавачваюць Расею ва ўзброенай падтрымцы сэпаратыстаў. Крэмль абвяргае гэтыя абвінавачваньні і заяўляе, што на Данбасе могуць быць толькі расійскія «добраахвотнікі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG