Амэрыканская паліцыя атрымала некалькі паведамленьняў пра ўзброенага чалавека у школе гораду Палмдэйл у штаце Каліфорнія.
Як паведамляе CNN, першае паведамленьне аб стрэлах Дэпартамэнт шэрыфа атрымаў каля 07:05 па ціхаакіянскім часе (17.05 паводле менскага часу). Палмдэйл — горад, дзе жыве каля 150 000 чалавек на поўнач ад цэнтра Лос-Анджэлеса.
Пазьней паліцыя паведаміла, што адзін чалавек затрыманы, а адзін трапіў у шпіталь. Пры гэтым падрабязнасьцяў пакуль не паведамляецца.
