Прэзыдэнт ЗША Дональд Трамп заявіў, што Вашынгтон выходзіць з пагадненьня з Іранам аб ядзернай праграме Тэгерана.
Гэта рашэньне прынятае на аснове папярэдніх кансультацый з саюзьнікамі ЗША на Блізкім Усходзе. Трамп абвясьціў, што ўказ аб аднаўленьні антыіранскіх санкцыяў будзе падпісаны неадкладна і санкцыі ў поўнай меры ўступяць у сілу.
Іран пракамэнтаваў выхад ЗША зь ядзернага пагадненьня
Трамп выказаў салідарнасьць з іранскім народам, спадзяваньні і надзеі якога ён падзяляе.
У Вашынгтоне неаднаразова заяўлялі, што шматбаковае міжнароднае пагадненьне, падпісанае зь Іранам у 2015 годзе, недасканалае, прэзыдэнт Трамп называў яго «жахлівым». Таму, адзначаў кіраўнік Белага дома, ЗША гатовыя выйсьці з пагадненьня, аднавіў дзеяньне эканамічных санкцый. Шматбаковае пагадненьне, падпісанае ў 2015 годзе вядучымі сусьветнымі дзяржавамі зь Іранам прадугледжвала зьняцьце з Тэгерана эканамічных санкцыяў — у абмен на згортваньне іранскімі ўладамі ядзернай праграмы.
