Лінкі ўнівэрсальнага доступу

«Глядзім на фатаздымкі дзяцей. Гэта дае нам сілы». «Маці 328» працягваюць галадоўку ў вёсцы Востраў


Галадоўшчыцы ў вёсцы Востраў, Пухавіцкі раён
Галадоўшчыцы ў вёсцы Востраў, Пухавіцкі раён

У Пухавіцкім раёне ў вёсцы Востраў трымаюць галадоўку 7 жанчын. Стан некаторых зь іх імкліва пагаршаецца.

«Нават ня думаем здавацца, — распавяла Радыё Свабода адна з удзельніц Алена Кулініч. — Ня ведаю, колькі яшчэ пратрымаемся, але стан пагаршаецца»

Па-ранейшаму кепска пачуваецца Людміла Кулініч, якая ня мае жоўцевага пухіра, і таму галадоўка ёй супрацьпаказаная. Іншая ўдзельніца галадоўкі Натальля Старавойт рэгулярна губляе прытомнасьць. Алене Кулініч таксама была аказаная мэдычная дапамога.

10-ы дзень ў Беларусі працягваецца галадоўка актывістак руху «Маці 328», якія дамагаюцца лібэралізацыі антынаркатычных законаў і перагляду спраў сваякоў, асуджаных за распаўсюд наркотыкаў на вялікія тэрміны.

Па стане на 6 траўня ў галадоўцы па-ранейшаму бяруць ўдзел 14 чалавек. Лічба засталася нязьменнай таму, што 4 траўня адна галадоўніца далучылася да акцыі ў Віцебску, але ў той жа дзень адна жанчына ў Калінкавічах выйшла з галадоўкі у сувязі з дрэнным станам здароўя. Такім чынам, там працягваюць галадоўку 6 жанчын, яшчэ 7 галадаюць ў вёсцы Востраў у Пухавіцкім раёне, адна — ў Віцебску.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG