На выезьдзе зь Беларусі ў Літву, Латвію і Польшчу ў панядзелак стаяла больш за 2100 грузавікоў.
У панядзелак, паводле дадзеных Дзяржаўнага памежнага камітэту, на выезьдзе зь Беларусі ў Літву, Латвію і Польшчу сабралася больш за 2100 грузавікоў. Найбольш напружаная сытуацыя была на выезьдзе ў Літву.
«Чэргі грузавікоў на мяжы з краінамі Балтыі на выезд зь Беларусі тлумачацца нерытмічным прыёмам транспарту сумежным бокам». Так патлумачыў праблему ў навіннай праграме 30 красавіка тэлеканал СТВ.
Са спасылкай на дзяржаўны памежны камітэт Беларусі паведамлялася аб збоях у інфармацыйных сыстэмах і рамонтных працах.