Паводле арганізатараў конкурсу, перамены будуць «тонкімі», але мецьмуць значны эфэкт. Аб гэтым паведамляецца на сайце «Эўравізіі».
«Напрыклад, калі чацьвёра чальцоў журы ставілі песьню на першае месца, а пяты — на апошняе, гэта магло пазбавіць песьню 12 балаў ад нацыянальнага журы», — тлумачаць арганізатары. Цяпер жа кожны асобны голас будзе «важыць» менш, чым у суме з галасамі іншых судзьдзяў.
«Іншымі словамі, чым ніжэй ацэніць чалец журы песьню, тым меншым будзе ўплыў (ацэнкі) на канчатковы вынік», — паведамляецца на сайце конкурсу. Там адзначаецца, што сыстэма працуе і ў адваротным кірунку.
«Эўравізія 2018» пройдзе з 8 па 12 траўня ў Лісабоне. Беларусь будзе прадстаўляць украінец Мікіта Alekseev с песьняй «Forever». Ягоны выступ адбудзецца 8 траўня пад нумарам 8.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў