Суд у Норыстаўне, штат Пэнсыльванія, у чацьвер прызнаў вядомага амэрыканскага актора Біла Косьбі вінаватым па ўсіх трох пунктах абвінавачваньня ў сэксуальных дамаганьнях з ужываньнем наркотыкаў па адносінах да знаёмай.
Інцыдэнт меў месца ў 2004 годзе.
Ахвярай Косьбі стала Андрэа Констэнд, цяпер ёй 45 гадоў.
«Грошы і ўлада не перашкодзяць нам дамагчыся правасудзьдзя», — заявіў пасьля заканчэньня працэсу акруговы пракурор Кэвін Стыл.
80-гадоваму Косьбі пагражае да 10 гадоў турэмнага зьняволеньня.