Прэзыдэнт Францыі Эмануэль Макрон заклікаў змагацца з фэйкавую навінамі ў інтарэсах абароны дэмакратыі. Такую заяву ён зрабіў у кангрэсе ЗША, дзе ён знаходзіцца з дзяржаўным візытам.
Макрон таксама выказаўся супраць ізаляцыянізму і нацыяналізму. Паводле яго, такія крайнасьці «пагражаюць сусьветнаму дабрабыту». Прэзыдэнт Францыі падкрэсьліў, што гандлёвыя войны нясуць згубныя наступствы і заклікаў Злучаныя Штаты пераасэнсаваць шматбаковы падыход да пытаньняў эканамічнага супрацоўніцтва з іншымі краінамі.
У аўторак, 24 красавіка, Макрон на сустрэчы з прэзыдэнтам ЗША Дональдам Трампам у Белым Доме заявіў, што Парыж і Вашынгтон маюць намер выпрацаваць новае пагадненьне па іранскай ядзернай праграме. У ім, у прыватнасьці, будуць апісаны меры па абмежаваньні дзейнасьці тэгеранскіх уладаў у Сырыі, Емэне, Лібане і Іраку.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў