Як паказалі кадры жывой трансьляцыі зь месца правядзеньня масавага мітынгу пратэсту супраць прэм’ерства былога прэзыдэнта Армэніі Сэржа Саргсьяна, распачатага ў 19:00 на плошчы рэспублікі ў Ерэване, на плошчу да мітынгоўцаў выйшаў прэзыдэнт Армэніі Армэн Саргсьян. Яго суправаджае былы дэпутат Нацыянальнага сходу Армэніі Тэва Пагасьян.
Мітынгоўцы сустрэлі Армэна Саргсьяна воплескамі і крыкамі «Прэзыдэнт, кінь Сэржа!».
Раней Саргсьян выступіў з заявай, выказаўшы у ёй гатовасьць сустрэцца зь лідэрам пратэсту, апазыцыйным дэпутатам Нацыянальнага сходу Ніколам Пашыньянам «з мэтай зьмякчэння напружанасці ў краіне з дапамогай дыялёгу палітычных сілаў».
