Лінкі ўнівэрсальнага доступу

Салдат, застрэлены з танкавага кулямёта на палігоне ва Ўруччы, праходзіў сьведкам па справе Коржыча


Маці Аляксандра Коржыча Сьвятлана
Маці Аляксандра Коржыча Сьвятлана

За час расьледаваньня крымінальнай справы Аляксандра Коржыча загінуў сьведка і памерла бабуля салдата, якая праходзіла па справе як пацярпелая. Пра гэта паведаміла маці знойдзенага павешаным у Пячах салдата Аляксандра Коржыча Сьвятлана.

Сьвятлана Коржыч распавяла журналістам парталу «Медиа-Полесье», што тыдзень таму ёй даслалі ліст са Сьледчага камітэта і паведамілі, што сьледзтва будзе працягнута да чэрвеня.

«А тут раптам такі рэзкі паварот. Я ім сказала, што вы, напэўна, жадаеце, каб усе тыя, хто мае дачыненьне да гэтай справы, зьніклі. Справа ў тым, што роўна праз 5 месяцаў пасьля сьмерці Сашы, 3 сакавіка, памерла яго бабуля, якая праходзіла пацярпелай па справе, а нядаўна на вучэньнях ва Уруччы загінуў калега Сашы, які праходзіў сьведкам. Я ўжо і ня ведаю, што думаць», — кажа Сьвятлана.

4 красавіка падчас плянавых заняткаў па агнявой падрыхтоўцы 120 асобнай мэханізаванай брыгады вайскоўцамі тэрміновай ваеннай службы, якія ўваходзілі ў экіпаж баявой машыны пэхоты, былі парушаныя захады бясьпекі. У выніку старшы мэханік-кіроўца БМП Дзьмітры Ўдод атрымаў агнястрэльнае раненьне і памёр. Адбылося гэта на палігоне Уручча пад Менскам. Вядома, што ў хлопца трапілі з танкавага кулямёта Калашнікава, якім абсталёўваецца БМП.

Паводле афіцыйнай вэрсіі Сьледчага камітэта, Аляксандар Коржыч, які праходзіў службу ў Печах пад Барысавам, быў даведзены да самагубства. Пра такія высновы сьледзтва паведаміў 19 красавіка журналістам начальнік галоўнага сьледчага ўпраўленьня Сьледчага камітэту Алег Шандаровіч.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG