Злучаныя Штаты заклікалі новага лідэра Кубы Мігеля Дыяс-Канэля «пакласьці канец рэпрэсіям» супраць свайго народа. Такую заяву зрабіла прадстаўнік Дзярждэпартамэнту ЗША Гэзэр Наўэрт.
Паводле яе, у Вашынгтоне расчараваныя тым, што новы кіраўнік Кубы быў зацьверджаны Нацыянальным сходам, а не абраны на выбарах.
У чацьвер новым кіраўніком Кубы і старшынёй Дзяржаўнага савету краіны стаў 57-гадовы Мігель Дыяс-Канэль. За яго вылучэньне ў сераду прагаласавалі чальцы Нацыянальнай асамблеі. Пазьней Мігель Дыяс-Канэль прынёс прысягу кіраўніка Кубы. На гэтай пасадзе ён зьмяніў 86-гадовага Рауля Кастра, які ўзначальваў краіну з 2008 году. Упершыню за паўстагодзьдзя Кубу ўзначаліў ня член сям’і Кастра.
Рауль Кастра, малодшы брат Фідэля Кастра, застанецца кіраўніком Камуністычнай партыі, якая вызначаецца канстытуцыяй як «вышэйшая кіруючая сіла грамадзтва і дзяржавы». У выніку ён пакуль застанецца самым магутным чалавекам на Кубе.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў