Лінкі ўнівэрсальнага доступу

2,06 за даляр. Курс беларускага рубля падае на тле абясцэньваньня расейскай валюты


Беларускія грошы

Расейскі рубель працягвае абясцэньвацца на фоне заходніх санкцый. На адкрыцьці таргоў на Маскоўскай біржы эўра перавысіў 80 рублёў — пікавае значэньне ад вясны 2016 году. Яшчэ ўчора за эўра давалі 77 рублёў. Курс даляра ўзьняўся вышэй за 64 рублі — 10 красавіка быў на 1 рубель меншы.

Аслабленьне расейскай валюты адбіваецца і на фінансавым рынку Беларусі — у валютным кошыку Нацыянальнага банку расейскі рубель займае 50% (яшчэ 50% падзелена паміж далярам і эўра).

На адкрыцьці таргоў на Беларускай валютна-фондавай біржы даляр і эўра прадоўжылі рост. Так, эўра вырас адразу на 7 капеек (+2,90%) да 2,56 беларускага рубля. Гэта абсалютны максымум, на пачатку 2016-га эўравалюта каштавала 24 956 рублёў, ці 2,49 дэнамінаваных.

Даляр вырас на 4 капейкі (+2,04%) і дасягнуў 2,06 беларускага рубля. Праўда, да паўтарэньня рэкорду таго ж 2016 году яшчэ далёка — было 22 069 беларускага рубля, ці 2,20 дэнамінаваных.

Расейскі рубель апусьціўся на 3 капейкі — да 3,21 беларускага за 100 расейскіх.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG