Лінкі ўнівэрсальнага доступу

Ужо сёньня: гадавіна тэракту ў менскім мэтро


Кветкі пасьля трагедыі ў менскім мэтро

Падзеі 11 красавіка ў беларускай і сусьветнай гісторыі​.

Дата дня

11 красавіка 2011 году адбыўся выбух у менскім мэтрапалітэне. У выніку тэракту загінулі 15 чалавек, 203 пацярпелі. Паводле судовага выраку меркаваных выканаўцаў выбуху Уладзіслава Канавалава і Дзьмітрыя Кавалёва расстралялі.

Таксама ў гэты дзень

1814 — францускі імпэратар Напалеон Банапарт адрокся ад пасаду.

1923 — у Вільні пачаўся першы зьезд пэдагогаў беларускіх сярэдніх школ Заходняй Беларусі, скліканы Таварыствам беларускай школы.

1927 — прынятая другая Канстытуцыя БССР.

1963 — гурт «The Beatles» выдаў сынгл «From Me to You». Гэта стала іх першай песьняй, якая трапіла на вяршыню ангельскага гіт-параду.

1995 — 19 дэпутатаў Апазыцыі БНФ у Вярхоўным Савеце ХІІ скліканьня абвясьцілі галадоўку на знак пратэсту супраць ініцыяванага Аляксандрам Лукашэнкам рэфэрэндуму. На рэфэрэндум выносіліся пытаньні аб скасаваньні статусу беларускай мовы як адзінай дзяржаўнай, зьмены дзяржаўных сымбаляў, інтэграцыі з Расеяй і праве прэзыдэнта распускаць парлямэнт.

Галадоўка дэпутатаў Вярхоўнага Савету 12 красавіка 1995 году
Галадоўка дэпутатаў Вярхоўнага Савету 12 красавіка 1995 году

У гэты дзень нарадзіліся

1755 — ангельскі доктар Джэймс Паркінсан, які першы апісаў сымптомы захворваньня, вядомага сёньня пад назвай хваробы Паркінсана. Сёньня ж адзначаецца Сусьветны дзень змаганьня з хваробай Паркінсана.

1936 — Івонка Сурвіла, дзяячка беларускай эміграцыі, ад 1997 году старшыня Рады БНР.

Івонка Сурвіла падчас сьвяткаваньня 100 год БНР у Празе
Івонка Сурвіла падчас сьвяткаваньня 100 год БНР у Празе

У памяці

1937 — у няволі памёр рэпрэсаваны беларускі пісьменьнік і дзяржаўны дзяяч Цішка Гартны (Зьміцер Жылуновіч). Паводле афіцыйнай вэрсіі, ён памёр у Магілёўскай псыхлякарні. Таксама існуе меркаваньне, што ён скончыў жыцьцё самагубствам.

Зьміцер Жылуновіч зь сям'ёй
Зьміцер Жылуновіч зь сям'ёй

1977 — памёр Жак Прэвэр, францускі паэт.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG