Лінкі ўнівэрсальнага доступу

Лукашэнка: Частка функцый павінна перайсьці ад прэзыдэнта іншым галінам улады


Аляксандар Лукашэнка

10 красавіка Аляксандар Лукашэнка сустракаецца з журналістамі афіцыйных СМІ ў тэлестудыі Белтэлерадыёкампаніі, прадстаўнікоў недзяржаўных мэдыяў туды не запрасілі.

Напярэдадні кіраўніцтва БТ заклікала гледачоў скарыстаць «унікальную магчымасьць» і дасылаць пытаньні кіраўніку дзяржавы праз электронную пошту — маўляў, той адкажа на самыя арыгінальныя. Радыё Свабода таксама падрыхтавала свае пытаньні да Аляксандра Лукашэнкі.

«Сродкі масавай інфармацыі адным ударам могуць падціснуць так, што становіцца страшна», — распачаў сустрэчу Аляксандар Лукашэнка. Гэтак высока ён ацаніў ролю СМІ ў сучасным сьвеце, дзе на першы плян выходзяць не ўзброеныя сутыкненьні, а інфармацыйныя войны.

Паводле БелТА, Лукашэнка арыентуе беларускія мэдыі на новыя формы працы.

«Падставай да сёньняшняй сустрэчы стаў пачатак новага этапу ў вашай дзейнасьці, — адзначыў ён. — Мы ўсё робім адну справу. Вы ж ня толькі журналісты, але сьвядомыя, адукаваныя, інфармаваныя грамадзяне Беларусі. Далей працаваць па-старому нельга. Я не хачу сказаць, што некалі было дрэнна. Без таго дрэннага не было б і новага этапу».

Гаворачы пра задачы, якія стаяць перад сродкамі масавай інфармацыі, ён сказаў, што частка зь іх адлюстравана ў новым законе аб СМІ.

«У прыватнасьці, гаворка ідзе аб разьвіцьці айчыннага кантэнту на тэлебачаньні. Пры гэтым сам закон закліканы абараніць нашых людзей ад патоку неправеранай, ілжывай, дэструктыўнай інфармацыі», — патлумачыў ён.

Камэнтуючы пэрспектывы ўнясеньня зьменаў у Канстытуцыю, Лукашэнка адзначыў, што, зь яго пункту гледжаньня, частка функцый павінна перайсьці ад прэзыдэнта іншым галінам улады. Пры гэтым ён лічыць, што момант для зьмены Канстытуцыі яшчэ не настаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG