На краўдфандынгавай пляцоўцы ulej.by пачаўся збор сродкаў на праект «Добрае печыва». Як заяўляюць ініцыятары, міні-пякарня ствараецца для людзей з разумовымі і псыхічнымі адхіленьнямі. Іх будуць навучаць пякарскай справе. Пад наглядам пекара яны будуць самі гатаваць, а потым і дастаўляць печыва на дом ці офіс.
«Гэта праект для бацькоў асаблівых людзей у якіх будзе магчымасьць адпачыць і адчуць, што іх дзеці — частка грамадзтва», — кажа аўтар праекту Дзьмітры Багданаў.
Таксама паведамляецца, што дастаўляць печыва будуць у эка-ўпакоўках — слоіках.
Для запуску праекту зьбіраюць 28 тысячаў рублёў. Гэты грошы пойдуць на арэнду і касмэтычны рамонт памяшканьня, закупку абсталяваньня, афармленьне дакумэнтаў і сэртыфікатаў, а таксама для набыцьця прадуктаў. Краўдфандынгавая кампанія заканчваецца праз два тыдні — 24 красавіка.
«У кожнага трэцяга беларуса ёсьць асаблівы знаёмы, — гаворыцца ў апісаньні праекта. — Частка гэтых людзей адарваныя ад грамадзтва, і мы гэта выправім. Мы дамо ім адчуваньне патрэбнасьці і ўдзелу ў жыцьці».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў